तुझ्यात नाही भीमाचे गुणं

[sanjay limbaji bansode]

होऊन मवाली जोहार घाली
वाजवी वैऱ्याचं तुणतुणं
सत्ताधाऱ्याचं धूतो धूनं
तुझ्यात नाही भीमाचे गुणं !!

खातो कुणाचं गातो कुणाचं
तुलाच हाय का ठावं
मागे तु सरला कसा विसरला
मनुवादी तो घावं !
कसे फेडसी या जन्मी तु
बाबासाहेबांचे ते ऋणं
सत्ताधाऱ्याचं धूतो धूनं
तुझ्यात नाही भीमाचे गुणं !!

नको हुजरेगीरी ती मुजरेगीरी
नको गुलामीत त्या बद्ध
अनुसरून भीमाला शरण बुद्धाला
जाऊन हो तु शुद्ध !
लिहतो संजय तुझ्याच साठी
पाहून गुलामीचं हे जीनं
सत्ताधाऱ्याचं धूतो धूनं
तुझ्यात नाही भीमाचे गुणं !!

संजय बनसोडे 981944028