झाली झांजरं झांजरं झांजरं

[sanjay limbaji bansode]

फुटला आकाशी तांबडा पाझरं
झाली झांजरं झांजरं झांजरं !!

खोप्यात पाखरू, घेई खुशीत लेकरू
गोठ्यात वासरु, दूध पिये चुरूचूरू !

गाय चाटती खुशीमंधी वासरं
झाली झांजरं झांजरं झांजरं !!

ठोकली आरोळी, बाग दिली कोंबड्यानं
धुडगूस घातला त्या, कळपात मेंढरानं !

डोळं चोळीत उठलं पोरं साजरं
झाली झांजरं झांजरं झांजरं !!

लाडी गोडी करी सखा,मैना चोरीते अंग
दाने टिपण्या पिल्ले, फिरती कोंबडी संग !

भरती नळावर कुणी त्या घागरं
झाली झांजरं झांजरं झांजरं !!

संजय बनसोडे 9819444028

[siddheshwar vilas patankar]

सुंदर वर्णन केलंय आणि शब्दबद्ध सुध्दा . डोळ्यासमोर अक्षरशः माझं गाव उभं राहिलं . सुंदर कविता .....


siddheshwar vilas patankar

[sanjay limbaji bansode]

thanks sir