अखेरच्या वळणावर ................

[Ashok_rokade24]

वळणावर अखेरच्या ,
वळून मागे पहातांना ,
पूर आसवांचा वहातो ,
आठवणी आठवितांना ,

नाजूक त्या वळणावर ,
जीव जीवाशी भेटला ,
ओळख जन्मो जन्मीची ,
जीव जीवात गुंतला ,
क्षण स्वर्गीय सुखांचे ,
पंख सोनेरी स्वप्नांना ,

पूर आसवांचा वहातो ,
आठवणी आठवितांना ,

दिन सौख्याचे भरास आले ,
स्वप्नांचे नित रचिले ईमले ,
झोपडीत ही महाल सजले ,
जीव जीवात हरवून गेले ,
सभोवती  कुणी न दिसले ,
सुख लाभे स्वप्नी रमतांना ,

पूर आसवांचा वहातो ,
आठवणी आठवितांना ,

नीयतीने डाव साधला ,
आप्त सखा वैरी झाला ,
जीवा पासून जीव तोडला ,
स्वप्नांचा पाचोळा झाला ,
जीवा साठी जीव नित झुरला ,
चीतेत पाहीला जीव जळतांना

पूर आसवांचा वहातो ,
आठवणी आठवितांना ,

                   अशोक मु, रोकडे.
                    मुंबई,