माझ्या नोटा तुला घेई

[विक्रांत]

माझ्या नोटा तुला घेई
तुझ्या नोटा मला देई ||
काल फुगलेला खिसा
आज रद्दीवाला होई
लांब लागलेल्या रांगा
नंबर लागत नाही ||
झाला तर होऊ देत
तोटा मला वांधा नाही
काळा गोरा होण्यासाठी
समजकी ही फि भाई ||
कसे कुठे कमावले
कश्यासाठी चौकशी ही
बोलावून गँग तुझी   
गंगेत न्हावून घेई ||
ज्याच्या त्याच्या कडे आहे
जो तो म्हणे नाही नाही
राज्याच्या घरात काय
तिजोरी ती मुळी नाही ||
अडचण आहे खरी
आज उद्या सरेल ही
नोटा बदलून साऱ्या
वृत्ती बदलेल का ही ||
खरतर प्रश्न तसा
पैशाचा मुळी नाही
नोटा नसता खिशात   
मनास चैनही नाही  ||

डॉ.विक्रांत प्रभाकर तिकोणे
http://kavitesathikavita.blogspot.in/