जन्म जाहला पुन्हा विरागी

[विक्रांत]

घट्ट वाटा हळवी वळणे
क्षितिजावरती काही स्वप्ने 
हातात हात होते झुलणे
वाऱ्यावरती मुग्ध जगणे
================
जाणून तुला न जाणतो मी
पाहून तुला न पाहतो मी
एक मितीच अनाकलनीय
माझ्यातच जणू जगतो मी
=================
कोण धावले मोही कुठल्या
कोण रंगले रंगी कुठल्या
कुणा सावल्या निळ्या डसल्या
प्राणा मधल्या तृष्णा निजल्या
==================
कुणास शिवले अहं उरगी
कुणी भाळले गंध सुरंगी 
कधी करुणा होवून जागी
जन्म जाहला पुन्हा विरागी


डॉ.विक्रांत प्रभाकर तिकोने
http://kavitesathikavita.blogspot.in