पाटीची किमया

[Minakshi Pawar]

                        पाटीची किमया

पाटीची ही किमया न्यारी
गुपीत तिच्यात दडले भारी,

              सुरुवात शिक्षणाची पाटीपासुन
              नसे हे शिक्षण तिच्यावाचुन,

आ, आ, इ, ई, गिरवून तिच्यावर
उमटले ठसे बघा तिच्यावर,

                आई शाळेत जाण्याअगोदर
                 शिकविते १,२,३,४ पाटीवर,

आकारात ती जरी लहान
कार्य तिचे फार महान,

                  मंत्री असो वा इंजिनियर
                  हातात पाटी घेवूनच गेले वर,

पाटी असली जरी मातीची
पर्वा नाही तिला धर्म जातीची,

                  पाटीने लावले बाल मनाला वळण
                  येथूनच झाली बघा शिक्षणाची घडण.