गोंदवलेकर महाराज …

[विक्रांत]

सत्य  प्रसवते। ते ब्रह्म नांदते ,
या इथे भेटते । गोंदवले।

शब्दच पण तें ।अर्थ दाटले,
नसती इथले।काल स्पर्शी।।

इतुके प्रेमळ । भेदक कोवळं
हृदया जवळ । स्थान जया।।

आम्ही मानले । आमुचे म्हटले
अजुनी जाहले ।नाही माझे ।।

असे अभागी । कपाळ करंटा
तव दारवठा ।याचक मी ।।

सरली शक्ती । नाम न ओठी
करितो भक्ती।तरी बळे।।

गेला तर हा । जन्म जाऊ दे
स्मरण राहू दे । माझे तुला।।

कधीतरी मग । या अंधारातून
घेई ओढून । तुझ्याकडे।।

स्मरतो विक्रांत ।प्रेमे तुजला ।
कृतार्थ जाहला ।शब्द कृपे ।।


डॉ.विक्रांत प्रभाकर तिकोने

http://kavitesathikavita.blogspot.in