ती सध्या काय करते

[sagar dubhalkar]

दारात तिच्या पायऱ्यावर बसून
ति निवांत केस विंचरायची
तेंव्हा ति ईतकी खूश दिसायची
कि बाजुचं सगळंच जग विसरायची
         मी भिंतीआडूनच बघायचो
         एखाद्या चोरासारखा
         अन् रुसून बसलेल्या पोरासारखा

मधून मधून नखावर नख लावून
काहीतरी दाबल्यासारख दिसं
तेंव्हा ती यड्यागतच दिसं
अन् यायच मला हसं
         पण मी मलाच चिमटा काढे
        अन् कधिच हसलो नाही
        समोर असूनपण मी तिला दिसलो नाही

मग मस्त केस विचरुन झाल्यावर
केसाचा गुंता कच-यात टाकायची
मीपण तिच्या जगण्यातला गूंता होईन कि काय
ह्याची मनोमन भिती वाटायची
        म्हणून तिला कधी बोल्लोच नाही
        लपून राहिलेलं मनातलं
        अन् चोरून पाहिलेल्या प्रेमातलं

ऊन्हाळ्याच्या सुट्टयांमध्ये ती एकदा
तिच्या मामाकडे गेली
शाळा सुरू झाली, वर्षही संपलं
पण ती कधीच परत नाही अाली
        आताही मी वाट बघतो तिची
        आणि वाट बघण्यातच रात सरते
        काय माहित ' ती सध्या काय करते '

       Sagar Dubhalkar
        Whats App 9604084846