कविता II नकळत हा जीव तुझ्यामागं वळत गेला, जसा जसा सूर्य ढळत गेला II

[siddheshwar vilas patankar]

अशाच सुचल्या ओळी

तुला बघूनि सांजवेळी

जसा सूर्य ढळत गेला

भावनेचा अर्थ कळत गेला

प्रेमबीम केलं नव्हतं कधी

तरी का कुणास ठाऊक

जीव तुझ्या मागे पळत गेला

पुस्तकं बहू वाचली असतील

काही समजली तर काही नसतील

तुला बघून एकाएकी

साऱ्याचा मतितार्थ कळत गेला

हरेक शब्दांचा अर्थ कळत गेला

नकळत हा जीव तुझ्यामागं वळत गेला

जसा जसा सूर्य ढळत गेला


सिद्धेश्वर विलास पाटणकर C