"आयुष्य ...!"

[pradnya.desai]

                       "कळत नाही मला
          आयुष्य म्हणायचं तरी कशाला ?
                    सुखाच्या कवडशाला?
                की दुःखाच्या पहाडाला?

                      कळत नाही मला
          आयुष्य म्हणायचं तरी कशाला ?
                     हृदयाच्या ठोक्यांना?
               की आपल्या श्वासाला?

                      कळत नाही मला
          आयुष्य म्हणायचं तरी कशाला ?
              उन्मळून पडलेल्या वृक्षाला?
          की नव्याने बहरणा-याला वेलीला?

            कळालंय फक्त एवढंच की
                  कसंही असलं तरी
            त्याला सुंदर करायचं आहे
            सुखदुःखाच्या कालवणाने
   प्राक्तनासोबत स्वतःच पचवायचं आहे..!"


                          -प्रज्ञा खैरनार-देसाई
                              दि.२५/०१/२०१७