लाईफची पानं

[rhtbapat]

स्वप्नांच्या दाराला का अंधाराचे टाळे
चकव्या फसव्यांचे साले नशिबाचे चाळे 
जिंकणाऱ्यांचा रस्ता सोपा करतो तरी कोण ?
लाईफची पानं साला लिहितो तरी कोण ? 

फुललेल्या झाडांवर माकडांच्या रांगा 
आपलाच घोडा आणि आपलाच टांगा
फाटक्यांचा रोमियो हा करतो तरी कोण ? 
लाईफची पानं साला लिहितो तरी कोण ? 

व्हाईट कॉलर म्हणून कधी बंड नाही केला
तरी लोक म्हणतात कसा पोरगा वाया गेला 
दिव्याखाली बसून मोठा होतो तरी कोण ?
लाईफची पानं साला लिहितो तरी कोण ? 

नेता असतो कोणी आणि कोणी हिटलर
कोणी होतो पोलीस आणि कोणी प्रोफेसर
यांच्या जाळ्यात साला फेकतो तरी कोण ? 
लाईफची पानं साला लिहितो तरी कोण ? 

- रोहित विजय बापट

YouTube Link: https://www.youtube.com/watch?v=PdlZMQ-tjs0

[Ajay sanjayrao yawale]

Khup cchan