आताशा इथेच होते

[rhtbapat]

आताशा इथेच होते
तुझ्या पैजणांचा नाद येण्याआधी

तसे हरवले नव्हते
कधी अचानक,
असे हरवले नव्हते
या आधी !
तुझ्या पैजणांचा नाद येण्याआधी

बेचैन कालपासून
होते बिचारे,
पापण्यांत अडकून
होते बिचारे,
डोळ्यात त्या शोधत होते
पुन्हा हरवण्याआधी,
तुझ्या पैजणांचा नाद येण्याआधी

ही जादू नाही
सांग तू याला काय म्हणावे ?
भर उन्हात ही का,
शुभ्र चांदणे पडावे ?
असे चांदणे पडले नव्हते,
वाटांवर या आधी ..
तुझे लाजणे गालात दिसण्याआधी

मी दिलेत सोडून
आता सारे,
प्रयत्न त्याला शोधण्याचे,
सापडले तर सांग सखे गं,
तुझ्या बटांतून,
ढळण्याआधी ..
तुझ्या बटांनी मेघसाद देण्याआधी

आताशा इथेच होते
तुझ्या पैजणांचा नाद येण्याआधी

YouTube Link: https://www.youtube.com/watch?v=W-Pc1bsImbE