लोकशाहीचा सुगंध

[Akshay Aiwale]

मी खणत होतो खड्डा
माझ्या घरासमोर
माझ्याच मरणाचा
तिकडून धुरळा उडवीत
पांढऱ्यां कपड्यांतील
काळे कावळे फडफडतच आले
मी टाकला कटाक्ष, तुच्छतेचा..
त्यांनी केलं स्मितहास्य, भयाण..
त्यांनी नमस्कार केला,
मला चमत्कार वाटला नाही..
ते नजीक आले
मला दूर जावंसं वाटलं नाही..
खिशात माझ्या पाकीट आलं
भ्रष्टतेचा दर्पही खिशातूनच आला
नवी कोरी भाकरी
त्या पाकीटातून येणार होती
पण त्या पाकीटाचा दर्प माझ्या
घर्मगंधात मिसळू शकला नाही
अरेरे ! तो तर लोकशाहीचा सुगंध होता...

- अक्षय ऐवळे