भाषा हि मराठी...

[गणेश म. तायडे]

माझ्या मायेचा पदर
उन्हातली ती सावली
थंड वाऱ्याची झुळूक
अशी भाषा हि मराठी

कधी बाबांचा तडाखा
कधी आईची अंगाई
बहिणभावांची भांडणे
अशी भाषा ही मराठी

ज्ञान देई अगणित
अलंकारात सजूनी
शब्द मोत्याचे हे मणी
अशी भाषा ही मराठी

आदर देई प्रत्येकाला
नीतिमत्ता तिच्यामध्ये
भावनांची ती ताकद
अशी भाषा ही मराठी

हसवून देई कधी
कधी देई डोळा पाणी
मांडे सारीपाट जीवनाचा
अशी भाषा ही मराठी

- गणेश म. तायडे, खामगांव
www.facebook.com/kavitasangrah11