प्रश्न

[Rani27]

प्रश्नात प्रश्न सारेच गुंतून गेले

ओठातले शब्द ते ओठातच विरून गेले

वाटले खूप भांडावे, पण साधे विचारायचे पण राहूनच गेले

आकाश माझ्यावर कोसळवून तू निघून  गेला ........

पण अचानक वारा  गार तो सुखावून गेला

निखळ पाऊस तो ओथंबून गेला ......

तन ओले नि मन तृप्त करून गेला

ओल्या मातीचा तो सुगंध वेडावून गेला

वाऱ्यासमवेत नाचताना मन ते धुंद होऊन गेले

कळलेच नाहि कधी ते अश्रू डोळ्यातच सुकून गेले

क्षणातच मोकळे ते आभाळ झाले .......

सुटलीस तू आता वेडावत बोलले





- राणी