कृतज्ञतापूर्वक

[Asu@16]

    कृतज्ञतापूर्वक

तुला खर वाटणार नाही.
      मलाही वाटत नाही.
साथ आपुली युगायुगांची
नवलाई अजून सरत नाही.
           सूर्य जो कधी उगवला
           अजून कसा मावळतच नाही
           वसुंधरेच्या क्षितिजावरती
           अंधाराला वावच नाही
अंधाराच्या तम:सागरी
किनाऱ्याचा पत्ता कुठला !
हात तुझा हाती घेता
अगस्तीने जणु सागर गिळला.
            ओबडधोबड कातळ घेऊनि
             मूर्ती तू घडण्या पाही
             वाटले तसा घडलो नाही
             दोष माझा, तुझा नाही !
खरच सांगतो, खोटे नाही.
कृतज्ञतेला बोल नाही.
             तुला खरं वाटणार नाही.
                   मलाही वाटत नाही.
            साथ आपुली युगायुगांची
           नवलाई अजून सरत नाही.

- अरूण सु. पाटील

https://www.facebook.com/AsuChyaKavita