बार

[शिवाजी सांगळे]

बार

कोल्ड ड्रिंक, चणा ड्राय 
किंवा दुसरं काही मागवुन
सहज म्हणून बसायला हवं,
केव्हां तरी असंच बार मधे जायला हवं !

कान, डोळे उघडे ठेवुन
मदं अंधार्‍या कोलाहलात
स्वतःच्या आवाजाला ऐकता यायला हवं,
कधीतरी त्रयस्थ होऊन बार मधे जायला हवं !

काय मिळवतात, काय हरवतात?
कित्तेकांच्या विखुरलेल्या आनंदाला
चेहर्‍यावरील दुःखांना,  
आपलं समजून विचारात घ्यायला हवं
न पिता.... कधी बार मधे जायला हवं !

ज्ञान, सौद्यांचा हा बाजार,
कधी एैय्याशीचाच मुक्काम असतो येथे,
उँच्चभ्रूंच्या हलक्या न् सामान्यांच्या मोठ्या
बातांना ऐकायला हवं
उतरवूनन वेष आपला, बार मधे जायला हवं !

दुध नाही मिळत ना दुधाने धुतलेला,
सापडतो येथे...केवळ प्यायलेला,
तरीही नशा दोघांना
पिवून एकाला, न् ऐकून दूसऱ्याला 
नशेत या झिंगता यायला हवं,
डोकवायला स्वःता मधे बार मधे जायला हवं !
© शिवाजी सांगळे 🎭