उत्तर कोरीया ....

[विक्रांत]

************

कशी लंका रावणाची
अजुनी इथे नांदते
उत्तरेला कोरीया का
नरक असा भोगते

मुठभर सत्ताधारी
अनिर्बंध माजलेले
अनाचार दुराचार
पापात राष्ट्र बुडाले

हक्क इथे माणसाला
जगण्याचा मुळी नाही
बंदुकीने मरतात
सुख थोडे मागताही 

कसे जग झोपलेले
का कुणास खंत नाही
म्हणे धरेस कुटुंब
काय आम्हा लाज नाही

प्रार्थनाच हाती माझ्या
त्याचे अस्त्र होवू दे रे
गांजलेले बंधू माझे
सुख त्यास पाहू दे रे

जाय तिथे जन्म घे रे
राम जनार्दना कृष्णा
निर्दाळी असुर पुन्हा
अभय देई त्या जना

डॉ.विक्रांत प्रभाकर तिकोणे
http://kavitesathikavita.blogspot.in