नातं

[mrunalwalimbe]

नात्याला हवं 
समजुतीचं कोंदण 
आपुलकीचं लिंपण 
नको शब्दांचा मारा 
असावा भावनांचा  ओलावा 
हवा प्रेमाचा पाझर 
नको तक्रारीचा सूर 
असावा आरसपानी विश्वास 
नसावी अवास्तव अपेक्षा 
असावा खेळकरपणा 
नसावी चढाओढीची भिंत 
असावी प्रेमाची किनार 
नसावं कुठलं बंधनं 
असावी हळुवारतेची फुंकर 
नसावं तडजोडीचं लेबल 
नातं असावं 
स्वच्छ नितळ पाण्यासमान 
कुणातही मिसळून 
एकजन्य होईल असं 
असावं घट्ट दृढ अभेद्य 
सहज न तुटणारं जसं 
म्हणूनच म्हणते 
जाणा नात्यांची महती 
हातातून वेळ  
निसण्याआधी 
 
मृणाल वाळिंबे