|| हनुमान ||

[विक्रांत]

पराक्रमाची परमसीमा
सामर्थ्याचा अविष्कार
अष्टसिद्धींचे भांडार
बुद्धिमत्तेचा सागर
अन या सगळ्यांचा
सर्वोत्कृष्ट वापर
जर केला असेल तर
एकाच नाव येते समोर
वीर हनुमान .
तुमच्याकडे कितीही
आणि काहीही असले तरीही
तुम्ही थोर होवू शकत नाही
तुमच्याकडे जे काही आहे
ते तुम्ही कशाला वापरता
यावर तुमचे श्रेष्ठत्व ठरते
श्री हनुमंताच्या चरित्रातून
हेच अधोरेखित होते
अश्या संपूर्ण समर्पणाने
डोळस भक्तीने
भक्ताचाही देव होतो
अन देवा पेक्षाही 
अधिक प्रेमाला पात्र होतो
अधिक देवळात मिरवतो


डॉ.विक्रांत प्रभाकर तिकोणे
http://kavitesathikavita.blogspot.in/