कसं सांगू कशी बोलते !!

[कदम]

कसं सांगू कशी बोलते
कधी दुःखांना खळखळून हसवते
हसवता हसवता कधी रडवते
प्रकट भावनांना करत बोलते

न्यायासाठी धावा करते
उणीवांची जाणीव करते
अन्यायाचा धिक्कार ही करते
पृष्टावरून हृदयात उतरते

शब्द अलंकारांनी शृंगार करते
यमकाशी जुळवते नाते
स्वर साधण्या यती पण घेते
घर मनामध्ये करूनच राहते

बोलता बोलता चाल करते
ऐकणा-यांना स्तब्ध करते
कधी ओठातुन हळुच,तर
कधी कंठातुन टाहो फोडते

मनातल्या रहस्या दृश्य करते
कधी रडते कधी हसते
लाजत गाजवत काव्यपंक्तित बसते