आयुष्य-गंभीर प्रश्न

[yallappa.kokane]

आयुष्य-गंभीर प्रश्न

झाले वेचून आज हे
आयुष्य माझे सांडलेले
पण श्वासात अंतर हे
आहे केव्हाच संपलेले

हरवलेलं बालपण कधी
मिळेल का कुठे शोधून?
आयुष्य या गंभीर प्रश्नाचं
फार दमलो, उत्तर शोधून

शोधायला निघालो मी
हरवलेलं, चुकलेलं सुख
मला न सांगता माझी
वाट पहात होतं दुःख

हे जगणं इतकं का?
रोज कठीण होत आहे
ओळखीचे सुर का?
आज बेसूर होत आहे

यल्लप्पा सटवाजी कोकणे
०६  मे २०१७

९८९२५६७२६४