स्वप्नातली ती परी

[Devendra Parte]

स्वप्नात रोज आजकल, येते कोणी अशी
काय सांगू ती परी दिसते तरी कशी ?

मोत्यांसारख्या नजरेने तिने वळून काय पाहिले
मन माझे त्याच क्षणी तिच्या प्रेमात हरवले

हसताना ती वाटतं, फक्त पाहतच रहावं
बोलताना ती वाटतं, फक्त ऐकतच रहावं

तिचाशी बोलताना कळतच नाही, वेळ कसा निघून जातो
क्षण तो तिथेच थांबावा, मनोमन हेच वाटत राहतं

जगाचं भान राहत नाही, आता तिच्या विचारात गुंतताना
माझा मी राहत नाही, आता तिच्या आठवणीत हरवून जाताना

जग वेगळे तिचे माझे, ती खरचं मला कधी भेटेल का ?
विचारावेसे वाटते तिला, किमान स्वप्नात माझी होशील का ?

           - देवेंद्र पार्टे