किती सांगू दुःखाला

[yallappa.kokane]

किती सांगू दुःखाला

किती सांगू दुःखाला सारखेच
कशासाठी करतो गर्दी मनात?
शिल्लक राहीलेलं आयुष्य हे
जगू दे की मला एकांतात!

सांगायचं इतकं सारं दुःखाला
अधिकार काय आहे मला!
बजावतो त्याचा तो हक्क
वळण वेगळे देतो जगण्याला

दोष किती देऊ त्यालाही
काम त्याचं तो करून जातो
थोड्यासाठी जरी निघून गेला
चाहूल सुखाची देऊन जातो

यल्लप्पा सटवाजी कोकणे
१३ मे २०१७


९८९२५६७२६४