आईचे प्रेम सारखेच सर्वांवर

[कदम]

काळिज जिचे लेकरांसाठी
आयुष्य तिचे पोरांसाठी
झिजवते देह संसारासाठी
निस्वार्थ माया बाळांसाठी

उर्जेचा कोष वासरांसाठी
आई लाभली एक जीवनासाठी
अश्रु वाहते कधी लाडक्यासाठी
अंगाई गाते गोड गोड स्वप्नांसाठी

हात विस्तवावर तिचं
भुकेलं पोट जेंव्हा लेकराचं
ज्ञान ईश्वरीच असतं आईचं
हसणारं थाप ऐकुन लेकरांचं

घालते पांघरून चुकांवर
घाव जाणेना करणं काळजावर
लेकरू लहान असो वा थोर
आईचे प्रेम सारखेच सर्वांवर