कवितेतून व्यक्त होतो

[yallappa.kokane]

कवितेतून व्यक्त होतो

दूर असणार्‍या नात्यांसाठी
चार शब्द लिहून काढतो
वाचता कविता माझी कधी
आपल्यांचाच कंठ दाटतो

मनात साठलेलं मोठं वादळ
कवितेतून नेहमी होते शांत
कधीकधी दुःखाचा नकळत
कवितेत तात्पुरता होतो अंत

कधी वाटतं आपलं नातं
शब्द-कविते सारखं असावं
ऐकण्यात कोणाच्याही न येता
कधीच नातं हे ना तुटावं!

धकाधकीच्या या जीवनात
फक्त नाते जपत होतो
नाही वेळ म्हणून मी
कवितेतूनच व्यक्त होतो

यल्लप्पा सटवाजी कोकणे
१७ मे २०१७

९८९२५६७२६४