==* संगी तुझ्या उभा रे *==

[SHASHIKANT SHANDILE]

संगी तुझ्या उभा रे दुःखात कोण आहे
उगीचाच तू मरतो फासाचे मौन आहे
मरून तुझे कर्ज फेडून झाले का सारे
रस्त्यावर उभे घरचे आधार कोण आहे

उन्हात का अशी रे ती बायको राबते
मुलं झोपली उपाशी अन्नाचे मौन आहे
पांघरून तुझे स्वप्न शासन हे निजलेले
रडले शेत सारे सावराया कोण आहे

मानू नको चुकीचे भास दुःख संपल्याचे
दुखास रडू आले नी ढगाचे मौन आहे
लपलारे बळीराजा जाऊन शोध त्याला
प्रश्नांना तुझ्या रे रोखणार कोण आहे

ओरडाया ढोंग झाले हे दुःख आवरेना
समाज फक्त बोले खिशास मौन आहे
सोडुनिया तू गेला तो फास का असा रे
येणार तुझ्या मागे अजुन कोण आहे

सोडुनिया तू गेला तो फास का असा रे
येणार तुझ्या मागे अजुन कोण आहे
--------------------//**--
शशिकांत पुरुषोत्तम शांडिले,
राहणार - टाकळी (भंसाळी)
तह - सावनेर जिल्हा - नागपुर
भ्रमणध्वनी क्र.९९७५९९५४५०