थोडे अजून काही

[शिवाजी सांगळे]

थोडे अजून काही

सारेच डाव तूझे, आता सरून गेले
अंतीम राहिलाे मी, बाकी निघून गेले

तालात काहि गेले, सूरात लोप काही
साथीस वाव नाही, गाणे विरून गेले

थांबू तरी किती मी, मागे कुणीच नाही
झोपेत काहि होते, ते ही पळून गेले

गाफील राहिलो नी, मैत्रीेत चूर होतो
दोस्तच मानलेले, सारे लुटून गेले

थोडे अजून काही, होते जगायचे ते
पाठीत वार माझ्या, माझे करून गेले

© शिवाजी सांगळे 🎭