बस पुरे आहे मजला

[विक्रांत]

बस पुरे आहे मजला
****************


ते तुझे असणेच इथे बस पुरे आहे मजला 
उगा चांदण्यात बसणे बस पुरे आहे मजला

थकुनिया सांजवेळी येता कधी तव वाटेला
ते तुझे हलकेच स्मित बस पुरे आहे मजला

तुला नको ताजमहाल अन मज रासलीला
गंध क्षण दरवळला बस पुरे आहे मजला

बोलतो न जरी काही तरी तू जाणते मजला   
ते तुझे कळणे सहज बस पुरे आहे मजला

सुख दु:खे तुझी माझी भिडली नाहीत आभाळा
तरीही त्यात तू सोबतीस बस पुरे आहे मजला
   
सात जन्म असो नसो कुणी पाहीला काळ फेरा
जन्म हा भरून पावला बस पुरे आहे मजला

भेटलो नकळे कसा मी कसा जाणे सांभाळला
सदा तुझा ऋणी राहणे बस पुरे आहे मजला

डॉ.विक्रांत प्रभाकर तिकोणे
http://kavitesathikavita.blogspot.in

[मिलिंद कुंभारे]

थकुनिया सांजवेळी येता कधी तव वाटेला
ते तुझे हलकेच स्मित बस पुरे आहे मजला

तुला नको ताजमहाल अन मज रासलीला
गंध क्षण दरवळला बस पुरे आहे मजला ....

क्या बात ......छान....

[विक्रांत]

thanks