तू पुन्हा दे मला साद

[अमोलभाऊ शिंदे पाटील]

तू पुन्हा दे मला साद
प्रेम करणं हाच माझा नाद
टाळून पुन्हा ते वाद
आता झालाय मला बोध

आता बोलना जरा माझ्याशी
विसरून ते रुसवे
राज मनातले खोलना
जरा माझ्या पाशी

विखुरलेल्या हृदयाच्या
तारा जोडना तू जराशी
चंदनापरी सुगंध प्रेमाचा
तू देना माझ्या मनाशी

एकदाच जवळ बोलावून
तू घेना उराशी
वाट पाहून थकलो आता
ये ना पुन्हा त्या रस्त्याशी

उभा आहे मी तुझ्या दाराशी
किती दिवस तुज विन राहू मी
जरा दोन शब्द तरी बोल माझ्याशी
किती दिवस वाट पाहू मी

✍🏻(कवी.अमोलभाऊ शिंदे पाटील).मो.9637040900.अहमदनगर