रात्र

[Asu@16]

             रात्र

रात्र असावी गुमसुम गुमसुम
रातकिड्यांची साथ असावी
नदी किनारी झाडावरती
काजव्यांची फुले फुलावी
         अशाच एका एकांत रात्री
         आठवणींची झुळूक यावी
         विरहव्याकुळ होऊन धरित्री
         रोमांच फुटावे गात्रोगात्री
स्पर्श तुझा गंधित होऊनि
अशा रात्री वसतिस यावा
चेहऱ्यावरती हात फिरवुनि
प्रेमाचा साक्षात्कार व्हावा
          रात्र असावी धुंद नाशिली
          चांदण्यांची बरसात असावी
          तनमनाचे भान हरवुनि
          तूच तू सर्वत्र दिसावी

- अरूण सु.पाटील

https://www.facebook.com/AsuChyaKavita