प्रेम

[Devendra Parte]

प्रेम म्हणजे एक भाषा
जी नजरेने बोलली जाते
स्पर्शाने ऐकली जाते आणि
मनाने लिहिली जाते

प्रेमात असतं सुख
प्रेमात असतो आनंद
प्रेमात कुणी शोधे राधा
तर कुणा हवा मुकूंद

प्रेम करणं एवढं सोप आहे
जसं मातीने मातीवर माती लिहिणे
पण निभावनं एवढं कठीण आहे
जसं पाण्याने पाण्यावर पाणी लिहिणे

प्रेम मागून मिळत नसतं
तर ते कमवावं लागतं
जगात तसं आपलं कुणीच नसतं
प्रेमाने आपलं करावं लागतं

प्रेम म्हणजे काय ते
स्वतः केल्याशिवाय कळत नाही
प्रेम नसेल तर आयुष्याला
काही अर्थच उरणार नाही

       - देवेंद्र पार्टे