गझल

[yallappa.kokane]

गझल

वृत्त  - आनंदकंद

गा गा ल गा ल गा गा .... गा गा ल गा ल गा गा
२ २ १ २ १ २ २... २ २ १ २ १ २ २ = २४ मात्रा

माझ्याच माणसाचा खेळून डाव झाला
त्यांच्या सुखात माझा मारून जीव झाला

लाथाडलेच त्याला कोणास काय त्याचे
पाषाण तोच होता तो आज देव झाला

गोतावळा कधीही देतोच फार धोका
एकांत राहण्याचा माझा सराव झाला

मी एकटाच होतो झेलीत वेदना त्या
दावी स्मशान आता गोळाच गाव झाला

डोळ्यांतही सखीच्या ती धार फार होती
ते वार रोखताना झेलून घाव झाला

यल्लप्पा सटवाजी कोकणे
२९ मे २०१७

९८९२५६७२६४