माझी चूक झाली

[शिवाजी सांगळे]

माझी चूक झाली

घेतला जो पेट नाती खाक झाली
आज माझ्या भावनेची राख झाली

आज त्यांनी ती हत्यारे म्यान केली
ऐकलेली बातमी ती फेक झाली

वार माझ्या काल ते पाठीत झाले         
माणसे गद्दार ही का थोक झाली?

टाकले होते तयांनी घाव जेंव्हा
कापणारी ती हत्यारे नेक झाली

सोसले मी वार त्यांनी घाव केले
एवढी बाजू जमेची एक झाली

वाटते माझीच सारी भूल होती
पाळताे मी मौन माझी चूक झाली

© शिवाजी सांगळे 🎭