तारे

[Dnyaneshwar Musale]

गिरगिरटी वाऱ्यावरती
हसणारी ती फुले
पंखात बळ घेऊन
उंच उडणारी मुले.

नाजुक साजुक झोक्यावरती
झुलणारे झुले,
उंच उंच किनारे
झोक्यासाठी खुले.

झुळ झुळ नाल्या वरूनी
प्रेम बरसणारे झरे,
मनात गुदगुदणारे
डोळ्यातले तारे.

चिंब चिंब ओठांशी
कुजबुजणारे वारे,
गारव्यात उमलणारे
अंगातले शहारे.

मखमलीत झुंज
करणारे तुरे,
कुरणा वरती
चरणारी ती गुरे.

तुडवत रस्ता
चालणारे हिरे,
मोडुन वहिवाट
उंच शिखराशी तोच फिरे.

[मिलिंद कुंभारे]