जागवून स्मशान मी

[विक्रांत]

जागवून स्मशान मी
***************

जागवून स्मशान मी
बद्ध माझ्या वर्तुळात
नाचतात भुते भग्न
क्षुद्र चूक शोधण्यात 

अर्धवट वासनांनी
धुम्र देह धरलेले
माझेपण बाहेर ते
माझ्यावीन मांडलेले

अमर आशेच्या ज्वाला
रंग भरत अंधारी     
खुणावती बोलवती
सुखाच्या सरणावरी

इथे राख तिथे राख
जळल्या देहाचा वास
कोण मला खेचतो
कळण्या जीवन भास

डॉ.विक्रांत प्रभाकर तिकोणे
http://kavitesathikavita.blogspot.in