अभय दे मला

[कदम]

या मृत्यूच्या भयातून अभय दे मला
जगण्या उदंड जीवन आश्रय दे मला

रणकंदनी घडविण्या जीवन बळ दे मला
करेल भय पलायन मृत्यूचे असे स्थळ दे मला

रोखून श्वास घेतोय श्वास मी भुतळी
सळसळू दे रक्त धमण्यातील असा प्राणवायू दे मला

होईन ज्येता संघर्षाच्या वाटेवर सर्वस्वी
देहास बलदंड काया ज्ञान तेजस्वी दे मला

भय संपत नाही मृत्यूचे ईथे मनी यम जागृत
कर अमर मज पामरा प्राशना अमृत दे मला