काहीतरी बोल

[sachinikam]

काहीतरी बोल      (०६/०५/२०१५)
--------------------------------
तुझ्या मौनाची किंकाळी
बसते मजला कानठिळी


तुझ्या अबोल्याची ललकारी
पेटते काळजात चिंगारी


तुझ्या विरहाचा टाहो
वेड जीवाला लाहो


तुझ्या दुराव्याची उणीव
व्यर्थ जगण्याची जाणीव


तुझ्या फुगव्याचा आक्रोश
खुणावतो माझ्यावरला रोष


तुझ्या रूसव्याचा निनाद
घालतो मनाला साद


नको ढळूस तोल
राहूदे नात्यांत ओल


नको इतक्यात फोल
काहीतरी बोल, काहीतरी बोल...
--------------------------------
कवी: सचिन निकम. पुणे.
९८९००१६८२५
sachinikam@gmail.com
--------------------------------

[sachinikam]

नको ढळूस तोल
राहूदे नात्यांत ओल