रामाचा दूत

[Asu@16]

            रामाचा दूत

माकडा माकडा हुप, तुझ्या शेंडीला तूप
        या झाडावून त्या झाडावर
          उड्या मारता भराभर
        फळबागेतून उंच घरावर
   क्षणात पळता झाप s s झूप s s
माकडा माकडा हुप, तुझ्या शेंडीला तूप
        आईबाबांचा चुकवून डोळा 
        रोज खाता लोण्याचा गोळा
       खोड्या काढता बनून भोळा
            दंगामस्ती करता खूप
माकडा माकडा हुप, तुझ्या शेंडीला तूप
       शाळेशी तुमची रोजच कट्टी
          बाहेर मात्र सर्वांशी बट्टी
   गुरुजींची नक्कल करण्यात गट्टी
       वात्रट पोट्टी, बसा गुपचूप !
माकडा माकडा हुप, तुझ्या शेंडीला तूप
          सुपडे कान, गोटी डोळे
           नकटे नाक, अंग काळे
           शेपूट तुझे मोठे वाटोळे
             असे तुझे हे रंगरूप
माकडा माकडा हुप, तुझ्या शेंडीला तूप
            असला तू कसा जरी
            सेतू बांधून सागरावरी
             लंकेवर केली स्वारी
                रामाचा तू दूत
माकडा माकडा हुप, तुझ्या शेंडीला तूप

- अरुण सु. पाटील

https://www.facebook.com/AsuChyaKavia