भारत माझा देश आहे ....

[SHASHIKANT SHANDILE]

सप्तसुरांचा येथे वास आहे
हृदयी एकतेचा श्वास आहे
बघतो जग सदा कौतुकाने
ही संस्कृती अभ्यास आहे

आयुर्वेद देशाची शान आहे
मानला जगाने तो ज्ञान आहे
सैन्य तोंड देती जश्यास तसे
आधुनिकतेचा हा मान आहे

मंगळावर पहिला डाव आहे
चंद्रावरही देशाचे नाव आहे
तारुण्याने लखलखता खांदा
माणुसकी देखणा भाव आहे

जाती धर्माचा इथे नाद आहे
आपुलकीचा गोड़ संवाद आहे
विविधांगी गुणांनी नटलेला
बहुभाषिकतेची इथे साद आहे
--------------------//**--
शशिकांत शांडिले, नागपूर
भ्रमणध्वनी : ९९७५९९५४५०