अन्याय !

[Asu@16]

         अन्याय !

मऊ हृदय रे वितळून जाई
रक्ताळत ते ठाई ठाई
न्याय तुझा असला कसला !
पाषाण हृदय दे, देवा मजला !
           पाषाणाची कमती इतुकी !
           घेऊन जा तू वाटेल तितुकी
           पाषाणाची नाती गोती
           पाषाणाची धरती
           तूही असशी धरतीवरती
           पाषाणाची मूर्ती
पाषाणांची दुनिया सगळी
मऊ मेणाला किंमत कसली !
मऊ हृदय तू देवून बसला
पाषाण हृदय दे, देवा मजला !

- अरूण सु. पाटील
( मैफल - १.४.१९८० गोमंतक मराठी साहित्य संमेलन व वर्धापन दिन विशेषांकात प्रसिद्ध)

https://www.facebook.com/AsuChyaKavita