प्रकल्प .........

[SHASHIKANT SHANDILE]

प्रकल्प मोठमोठे सारेच वाटे खोटे
किती तुटले घरं शेतीचे झाले तोटे
प्रकल्प नावाने कुणाचे होते भले
पडलेत जमिनीचे तुकडे छोटछोटे

घर गेलं शेत गेलं जीव मात्र बाकी
भरपाईची कुणाला जमे वजाबाकी
राबराब राबून पिकवतो गरीब शेती
जमिनी तयांच्या मोल नाही बाकी

गरीबाच्या पोटाला आधार ही शेती
घर या डोक्यावर छप्पर आहे छोटी
कुठं जावं गरिबांनी रस्त्यावर येता
शासनाची मदत कागदावरच मोठी

विरोध इथे नाही कुणाचा देशासाठी
प्रश्न उभा होतो फक्त पोटासाठी
श्रीमंत सारखे श्रीमंत होत जातात
गरिबाला काय पर्याय जगण्यासाठी
-----------------------//**--
शशिकांत शांडिले, नागपूर
भ्र.९९७५९९५४५०