स्वातंत्र्य माझे

[शिवाजी सांगळे]

स्वातंत्र्य माझे

उगा देशभक्तीचा आव आणु कशाला
विकले आहे स्वातंत्र्य माझे जगाला !

मारतो जरी रोजच बढाया कर्तृत्वाच्या
घरचेच करतात हो विरोध विरोधाला !

नाही भिती जेवढी परक्यांची इथे, मात्र
कमजोरी समजली आहे शेजाऱ्याला !

कसले स्वातंत्र्य? घेवुन बसलो आम्ही
आपसात न जमला एकोपा आम्हाला !

येणार का ईतक्यात येथे बदलांचे वारे
करतोय नुकतेच पार आम्ही सत्तरीला !

शिस्त एक पाळोनी घालवून भ्रष्टाचारा
होईल थोर राष्ट्र पाळता प्रमाणिकतेला !

© शिवाजी सांगळे 🦋