माणूस ...... (गजल)

[SHASHIKANT SHANDILE]

माणूस माणसाच्या अंतास राज आहे
जे रेखिले पुराणी सत्यास साज आहे

ही भूक माणसाची भागेल ना कधीही
तो लागला मिटाया त्याचीच माज आहे

येतो उगाच आता पाऊस हा अवेळी
वाटे जणू सरींना पडण्यास लाज आहे

रानातल्या फुलांचा तोडून नाश झाला
गावी जनावरांचा मुक्काम आज आहे

शोधू कुठे किनारा जगण्यास मानवांना
स्वार्थात माणसाचे सारेच काज आहे
-------------------//**--
शशिकांत शांडिले, नागपूर
भ्र.९९७५९९५४५०