लागतो वेळ ना

[शिवाजी सांगळे]

लागतो वेळ ना

झाडे वाढण्यास लागतो वेळ ना
कळी फुलण्यास लागतो वेळ ना

सुर्य उगवण्याच्या प्रतीक्षेत सारे
रात्र सरण्यासही लागतो वेळ ना

आस तुला सखये होतीच माझी
जुळण्यास मनेही लागतो वेळ ना

विसरून गेली मजला तु एकाकी
आठवाया पुन्हा लागतो वेळ ना

शोधला जरी ईलाज जखमेवरचा
भरावया जखमा लागतो वेळ ना

परीक्षाच घेतली माझी जीवनाने
निकालास तीच्या लागतो वेळ ना

© शिवाजी सांगळे 🦋