कॉकटेल

[शिवाजी सांगळे]

कॉकटेल

झुडपात कधी बनात ती प्रसवते पहा ना
फुटतो आहे काट्यांचा बाभळीस पान्हा

धाडले होते पूतनेस कंसाने घात करण्या
स्तनपान करोन गोकुळात वाढला कान्हा

चमत्कार आहे पहा निसर्गाचा येथे कसा
शकून देताना येतो म्हणे काक पाव्हणा

ग्रह दहावा जरी म्हटले कोणी जावयासी
लग्नानंतर खरा भाव खातो मात्र मेव्हणा

मटण रश्या सोबत भाकरी चाले घाटावरी
साथ देई कोकणात छान मऊसुत घावणा

© शिवाजी सांगळे 🦋