नाही तुझा ठाव रं

[sanjay limbaji bansode]

लंगड़ा तुझा डाव लेका

लंगड़ा तुझा भाव रं

जगी किर्ती नाव परि

नाही तुझा ठाव रं ॥




दान आलं खूप तुला

सोन्याचं मुख रं

देणारा खाई तूप परि

नाही त्याला सुख रं ।




श्रद्धेचा घाली घाव

त्याला पैशाची हाव रं

जगी किर्ती नाव परि

नाही तुझा ठाव रं ॥




नावानं तुझ्या आज

यानं मांडला गोंधळ

पुण्य नाही पाप केलं

यानं होऊन आंधळ ।




झाला वेडा गाव मनी

नाही भक्तीभाव रं

जगी किर्ती नाव परि

नाही तुझा ठाव रं ॥




संजय लिंबाजी बनसोडे
sanjaylbansode.blogspot.com