निभवा दोस्ती

[शिवाजी सांगळे]

निभवा दोस्ती

सांगून का करतात कोणी वार येथे
बोलून गोड चिरतात गळे फार येथे

सोडता का रे पुडी ती आश्वासनांची
बोलतां खोटे हो स्वर जोरदार येथे

त्यागुन आपले जो चाले आम्हा संगे
निष्ठावानां मिळे बंगला कार येथे

कष्टुन सुद्धा न मिळे पगार वेळेवरी
हुजऱ्यासी होतोय प्राप्त सत्कार येथे

तडजोडीच्या खेळात जिंकून देखील
वाट्यास तुमच्या येते पहा हार येथे

कालचा वैरीही होतो दोस्त आजला
निभवाच दोस्ती दुश्मनीचे सार येथे

विचारता काय करतो पागेत येथल्या
लागलीच होतो घोड्यावर स्वार येथे

© शिवाजी सांगळे 🦋