डोळ्यात तुझ्या

[शिवाजी सांगळे]

डोळ्यात तुझ्या

नको सागर डुंबू दे सखे डोळ्यात तुझ्या
नसे पुष्पहार पडू दे हात गळ्यात तुझ्या

उमगतोय अर्थ हळूवार अबोल प्रितीचा
क्षणोक्षणी होणाऱ्या गूढं चाळ्यात तुझ्या

रूसलेच ऋतू जरी अलवार चोहीकडे
फुलतात फुले सारी सखे गं मळ्यात तुझ्या

ठरविले मी तोडून पाश सारे जगावे
गुंतलो आहे असा सखये जाळ्यात तुझ्या

शोधतांना एकांतात कधीचा स्वतःला
रमतो कसा मी आठवांच्या मेळ्यात तुझ्या

© शिवाजी सांगळे 🦋