नव्याने आलो

[शिवाजी सांगळे]

नव्याने आलो

शहरात तुझ्या गं नव्याने मी आलो
शोधीत पावलांना तुझ्या मी आलो

ईशारा हलकेच चांदण्यांनी दिला
रात्रीच पाहण्या चंद्रास मी आलो

होताच कुठे मला अटकाव नभांचा
दर्शनाने शितल होण्यास मी आलो

प्रतिबिंब तरंग डोहातल्या दर्पणी
सावरण्या हळूवार तया मी आलो

देशील कटाक्ष आतूर मीलनाचा
व्याकूळ नेत्री भेटण्यास मी आलो

तोड तु पण रात्रं दिवसाचे पहारे
झुगारून सर्व बंधनास मी आलो

© शिवाजी सांगळे 🎭